Filed under: Convocatorias
+ Info: http://marchazuera.noblezabaturra.org/
TOTZ T’A GARCHOLA
Fa nueu anyos ubrión a macrogarchola de Zuera y continamos tornando ta las suyas puertas ta protestar-ie y fer vistera a situación de as personas presas. Iste anyo hemos quiesto trucar o ficacio sobre o contino aumento de personas presas y a situación de os CIES (centros de internamiento de foranos).
Seguntes os datos oficials ya en son mas de 76.000 as personas que viven dezaga d’a cleta (30.000 personas más que no en a primera Marcha ta la Macrogarchola de Zuera). En toda la UE ye l’Estau Espanyol qui conta con más personas presas por habitador enca que tien un de os menors endices de criminalidat.
En os zaguers 17 anyos s’ha duplicau a población penitenciaria y no s’ha aturau de enguerar garcholas. Agora mesmo bi n’ha 6 de a grandaria de Zuera fendo-sen y atras cinco en prochecto. Mesmo se planteya enamplar las ya existents como ye o caso de o Centro Penitenciario de Teruel. No aturan de construyir-sen celdas que se plenan a caramuello. O negocio de as garcholas no ye en crisis.
Mientres, se promueven retalles en os dreitos socials, se aumenta la inversión en garcholas y se aumenta a estacha en prisión. A mayoría de as personas presas podrían estar cumplindo penas alternativas a la garchola (más baratas y constructivas ta la comunidat). Manimenos se promociona l’isole y se fa perén a exclusión social.
Especialment aberrant ye a situación de as personas migrants sin documentación: una persona que no ha feito garra delito, nomás por no tener os suyos papers en regle, puet estar reteniu tres meses en un CIE mientres tramitan un procedimiento administrativo que puet rematar fendo-lo fuera.
Mientres iste tiempo se te priva de libertat en uno de istos centros an que se vulneran dreitos alazetals: celdas a embute, indignants condicions hichienicas y sanitarias, faltadas, desinformación y imposibilidat de denuncia. Ya son muitos os informes que’n amostran a reyalidat.
Y ye que en reyalidat lo que se ye trancando y criminalizando ye a pobreza. Estar pobre significa estar un fosal en o mercau penitenciario. Más de o 80% de as personas que cumplen penas de garchola son bosando con garchola delitos relacionaus con drogas u contra la propiedat. Totz os diyas dentran en prisión personas que no s’han puesto concarar a las pinyoras que fuoron condenadas. Más de 550 personas han estau castigadas con garchola por vender en a carrera copias piratas de DVDs y CDs ta poder pervivir. Y ta forro i bota fer una infracción administrativa puet levar-te a trancar-te en un CIE.
Feu un comentari so far
Deixa un comentari
Uembras Foscas (distribuidera) 